Kişi voleybolçulardan ibarət Azərbaycan yığması Avropa çempionatının seçmə oyunlarına baş məşqçi Fərid Cəlalovsuz yollanacaq.

Bu barədə apasport.az saytına məlumatı təcrübəli çalışdırıcının özü verib.

O bildirib ki, hazırda Mingəçevirdə təlim-məşq toplanışında olan komanda ilə birgə olmamağının səbəbi koronavirus infeksiyasına yoluxmasıdır: “Bir müddətdir ki, bu xəstəliyə tutulmuşdum. Çox ağır keçirdim. Müalicəmdə vitse-prezidentimiz Faiq Qarayevin böyük köməkliyi oldu. Hazırda yaxşılaşmışam. Təxminən bir həftədir ki, ağır günlərim arxada qalıb”.

F qrupunda Gürcüstan, Monteneqro və Yunanıstanla mübarizə aparacaq yığmamızı bu oyunlara baş məşqçi kimi Pərviz Səmədov çıxaracaq. Ona köməkliyi Dilqəm Qəhrəmanov, Akif Vəliyev və Eldar Əliyev edəcəklər. Cəlalovun sözlərinə görə, yığma üzvü artıq əsas çalışdırıcı kimi sifariş olunsa da, postundan ayrılmayıb: “Xəstəliyimlə əlaqədar məsləhət oldu ki, yarışlara komanda Səmədovun rəhbərliyi altında yollansın. Oyunlardan sonra yenidən öz vəzifəmi yerinə yetirəcəyəm”.

Qeyd edək ki, seçmə mərhələnin oyunları mayın 7-9-da Gürcüstanda, 14-16-da Monteneqroda keçiriləcək.

• Millimiz Portuqaliya ilə qarşılaşacaq
• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq