Qadın voleybolçulardan ibarət “Azərreyl” klubu növbəti transferini rəsmiləşdirib. 

Apasport.az saytının məlumatına görə, Bakı təmsilçisi Azərbaycan milli komandasının blokçusu Kseniya Pavlenko ilə danışıqları müsbət yekunlaşdırıb. 

27 yaşlı voleybolçu “Azərreyl”lə müqaviləsini uzadıb. O, 2020/2021 mövsümündə də “dəmiryolçular”ın formasını geyinəcək. 

Bununla da, ölkəmizi Çelenc kubokunda təmsil edəcək “Azərreyl”in yeni il üçün heyətinə qatdığı oyunçuların sayı 4-ə çatıb. Komanda daha öncə sloveniyalı Moytsa Pene ilə müqaviləni artırıb, ardınca slovakiyalı Romana Hudeçova və yığmamızın oyunçusu Yuliya Kərimova ilə 1 illik anlaşma əldə edib.
 

• Millimiz Portuqaliya ilə qarşılaşacaq
• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq