Kişi voleybolçular arasında Azərbaycan çempionu “Murov” bu gün avrokuboklarda mübarizəyə başlayıb.

Apasport.az saytının məlumatına görə, Fərid Cəlalovun yetirmələri Çelenc kubokunda yarışa start veriblər.

Təmsilçimiz 1/32 final çərçivəsində Xorvatiyanın “Kitro Varazdin” klubu ilə qarşılaşıb. Görüş voleybolçularımızın inamlı qələbəsi ilə yekunlaşıb. İlk hissəni 6 top öndə bitirən “Murov” ikinci seti 25:18 hesabı ilə aktivinə yazıb. 

Üçüncü hissə isə sonuncu olub. Bu dəfə rəqibini 25:20 hesabı ilə məğlub edən Azərbaycan çempionu ilk qarşılaşmadan 3:0 hesablı qələbə ilə ayrılıb. 

Qeyd edək ki, qarşılıqlı razılığa əsasən hər iki görüş Bakıda Voleybol Mərkəzində təşkil olunacaq. İlk matçda meydan sahibi balkanlılar sayılırdısa, sabah keçiriləcək cavab görüşündə “Murov” rəqibini qəbul edəcək.

Çelenc kuboku
1/32 final, ilk oyun
18:00. “Kitro Varazdin” (Xorvatiya) - “Murov” (Azərbaycan) - 0:3 (19:25, 18:25, 20:25)
Bakı Voleybol Mərkəzi
 

• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq
• Gəncə klubunda üç ayrılıq