Qadın voleybolçulardan ibarət Azərbaycan millisi Gürcüstana yola düşüb.

Apasport.az saytının məlumatına görə, Avropa çempionatının təsnifat mərhələsinin D qrupunda mübarizə aparan komandamız növbəti oyununu sabah səfərdə Gürcüstana qarşı keçirəcək.

Tbilisidəki “Yeni Voleybol Arena”da baş tutacaq AVRO-2023-ün görüşü Bakı vaxtı ilə saat 17:00-da başlayacaq.

Qeyd edək ki, millimiz qrupdakı ilk oyununda Gürcüstana 3:0 hesabı ilə qalib gəlib. Yığmamızın D qrupundakı digər rəqibləri Sloveniya və Avstriyadır.