Beynəlxalq dərəcəli voleybol hakimlərimiz növbəti təyinat alıblar.

Apasport.az xəbər verir ki, bunu Azərbaycan Voleybol Federasiyasının mətbuat xidməti açıqlayıb.

Eldar Zülfüqarov kişi voleybolçular arasında Çempionlar Liqasına təyinat alıb. Təmsilçimiz A qrupunda yer alan “Ziraat Bank ANKARA” (Türkiyə) və “Grupa Azoty KĘDZIERZYN-KOŹLE” (Polşa) komandalarının matçında birinci hakim olacaq. Qarşılaşma bu gün saat 21:00-da başlayacaq.

Həmyerlimiz Fuad Ağayev bu gün CEV kubokunun 1/8 final mərhələsinin matçını idarə edəcək. O, qadın voleybolçulardan ibarət Serbiyanın “Zeleznicar LAJKOVAC” və İtaliyanın “Reale Mutua Fenera CHIERI’76” klublarının qarşılaşmasında ikinci hakim olacaq. 

Noyabrın 30-da isə Zaur Hacıyev qadın voleybolçular arasında Çelenc kubokunun 1/8 final mərhələsində “Qalatasaray Daikin ISTANBUL” (Türkiyə) – “VC WIESBADEN”(Almaniya) qarşılaşmasında birinci hakim olacaq.