Azərbaycanda daha bir idmançı ailəsi qurulub.

Apasport.az saytının məlumatına görə, voleybol yığmamızın üzvləri evlənib.

Qadın voleybolçulardan ibarət millinin və “Azərreyl”in blokçusu Anastasiya Mertsalova ilə kişilərdən ibarət yığmanın və “Xarıbülbül”un hücumçusu Aqil Ağazadə ailə həyatı qurublar. Voleybolçular artıq münasibətlərini rəsmiləşdirərək nikah da bağlayıblar.

Anastasiya bu il ailə həyatı quran ilk voleybolçu deyil. Bir müddət əvvəl Polina Rəhimova Türkiyə vətəndaşı ilə evlənib.

Mertsalova ilə Ağazadə Azərbaycanın ilk voleybol ailəsi də deyil. Yığmalarımızın üzvləri Şəfaqət və Elmin Alışanovlar da ailə həyatı qurub.

Qeyd edək ki, ölkəmizdə Aynur Sofiyeva və Yunis Hüseynov, Esmira və Yaşar Vahabzadələr kimi məşhur idmançı ailələri var.