20 yaşadək voleybolçu qızlar arasında Şərqi Avropa Voleybol Zona Assosiasiyasının (EEVZA) çempionatı keçiriləcək.

Apasport.az xəbər verir ki, gələn il yanvarın 3-7-də Litvanın Şaulyay şəhərində təşkil olunacaq yarışda Azərbaycan millisi də iştirak edəcək.

Çempionatda ev sahibləri və yığmamızla yanaşı, Latviya, Ukrayna, Estoniya və Polşa da mübarizə aparacaq.

Qeyd edək ki, AVRO-2024-ə seçmə xarakteri daşıyan turnirin reqlamentinə əsasən, birinci yeri tutacaq komanda birbaşa qitə birinciliyinin final mərhələsinə vəsiqə əldə edəcək.