Avropa çempionatında iştirak edəcək çimərlik voleybolu üzrə 18 yaşadək qızlardan ibarət Azərbaycan yığması yarışa hazırlığını Türkiyədə davam etdirəcək.

Apasport.az xəbər verir ki, komandamız bu gün Antalyaya yola düşüb.

Rusiyalı mütəxəssis İqor Olefirin rəhbərlik etdiyi yığmamız burada 2 həftə təlim-məşq toplanışı keçəcək. Veolybolçularımız bir neçə yoxlama matçında da qüvvəsini sınayacaq.

Hazırlığa 7 oyunçu cəlb olunub. Baş məşqçi İqor Olefirə məşqlərdə Nihad Tarverdiyev kömək edəcək.

Qeyd edək ki, AVRO-2024 (U-18) iyulun 11-dən 14-dək Gürcüstanın Kaçreti şəhərində baş tutacaq.

• Zaur Hacıyev "Benfika"nın matçını idarə edəcək
• Zaur Hacıyev CEV Kubokuna təyinat alıb
• AVF rəsmisinə növbəti dəfə təyinat verilib
• Voleybolçularımız Alanyaya yollanıblar
• Voleybolçularımız təlim-məşq toplanışı üçün Türkiyəyə yollanıblar