[b]Bakı klubu Ukrayna çempionuna yenə uduzdu [/b]

03.09.2016 - 13:23

Azərbaycanın qadınlardan ibarət ABU klubu Ukraynada növbəti yoxlama matçını keçirib. Apasport.az saytının məlumatına görə, ölkəmizi avrokubokda təmsil edəcək Bakı təmsilçisi Ukrayna çempionu “Qaliçanka” ilə ikinci dəfə üz-üzə gəlib.

Konstantin Ruvinskinin yetirmələri ilk oyunda olduğu kimi bu dəfə də məğlubiyyətə üzülüb. Birinci oyundan sonra Ukrayna Superkubokuna çıxıb qalib gələn “Qaliçanka” ikinci qarşılaşmada 32:20 hesabı ilə qələbə qazanıb.

Qeyd edək ki, ötən mövsümü “qızıl dubl”la başa vuran rəqib birinci görüşdən 31:23 hesablı üstünlüklə ayrılmışdı.