“Lokomotiv” qadın voleybolçular arasında Azərbaycan Super Liqasında 2015/16 mövsümünü bürünc medalla başa vurub. Apasport.az saytının məlumatına görə, “dəmiryolçular” buna  “Azəryol” üzərində qələbə qazanmaqla nail olublar.

Final seriyasının hər 3 oyununda rəqibinə qalib gələn “Lokomotiv” 5-ci dəfə fəxri kürsüyə çıxıb. Bununla ikinci dəfə bürünc mükafata layiq görülən komanda 3 dəfə də “gümüş”ü boynundan asıb.

“Loko” həm də tarixin yaddaşına qovuşmuş “Rabitə” və son çempion “Azərreyl”dən sonra ən çox medal əldə edən 3-cü komanda ünvanına yiyələnib.

Medal sayı baxımından tarixin yaddaşına köçmüş digər komanda “İqtisadçı”nı geridə qoyan “dəmiryolçular” yalnız “bürünc” sayında onlardan hələ geri qalır. Çünki “İqtisadçı” aktivinə 3 bürünc medal yazdırıb.

• Daha bir Azərbaycan komandası finalda
• “Azərreyl” finala yüksəlib
• Avropa Kuboku: “Azərreyl” 1/4 finalda Türkiyə təmsilçisi ilə qarşılaşacaq
• Avropa Kuboku: "Azərreyl" Fransa klubunu məğlub etdi
• “Azərreyl”dən uğurlu start