“Lokomotiv” klubunu tərk edən daha bir voleybolçunun adı dəqiqləşib. Apasport.az saytının məlumatına görə, dominikalı Brenda Kastillonun ardınca çexiyalı Aneta Havlikova da “dəmiryolçular”ın düşərgəsindən ayrılıb.

Komandada son 6 ayda əmək haqqını ala bilməyən və Avropa Voleybol Konfederasiyasına rəsmən şikayət edən hücumçu İtaliyada forma geyinəcək. O, artıq “Skandiççi” ilə danışıqları da yekunlaşdıraraq, 1 illik müqaviləyə imza atıb.

Qeyd edək ki, 2012/2013 və 2014-2016 mövsümlərində “Lokomotiv”də çıxış edən Aneta hər 3 mövsümdə adından söz etdirməyi bacarıb və Super Liqanın simvolik komandasında yer alıb. O, həmçinin çempionatımızda 2 dəfə bombardir adına yiyələnib.