Qızıl Avropa Liqasında I dövrənin yekununa əsasən ən yaxşı voleybolçuların adları açıqlanıb. Apasport.az saytının məlumatına görə, 3 turdan sonra “Top-10”da Azərbaycan millisinin 4 oyunçusu yer alıb.

Belə ki, bombardirlik yarışında Katerina Jidkova 5-cidi. O, 12 setə 47 xal toplayıb. Təmsilçimiz birinci yerin sahibi Anastasiya Kraydubadan (Ukrayna) 7 xal geri qalır. Bu siyahıda Yelizaveta Səmədova 10-cudu. Hücumçumuz 43 xal yığıb.

Blokçuların mübarizəsində isə Aynur İmanova 2-ci, Olena Həsənova 5-ci yerdədi. Onlar müvafiq olaraq, 12 və 9 dəfə rəqib hücumunun qarşısını xalla alıblar. Bu siyahıda birinci olan Xristina Ruseva (Bolqarıstan) 24 xalla ən yaxın izləyicisi olan İmanovanı 12 xal qabaqlayır.

• Millimiz Portuqaliya ilə qarşılaşacaq
• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq