Qızıl Avropa Liqasında II turun yekununa əsasən ən yaxşı voleybolçuların adları açıqlanıb. Apasport.az saytının məlumatına görə, “Top-10”da Azərbaycan millisinin 4 oyunçusu yer alıb.

Belə ki, bombardirlik yarışında Katerina Jidkova 5-cidi. O, 8 setə 33 xal toplayıb. Təmsilçimiz birinci yerin sahibi Anastasiya Kraydubadan (Ukrayna) 8 xal geri qalır. Bu siyahıda Yelizaveta Səmədova 9-cudu. Hücumçumuz 29 xal yığıb.

Blokçuların mübarizəsində isə Aynur İmanova 4-cü, Olena Həsənova 10-cu yerdədi. Onlar müvafiq olaraq, 8 və 5 dəfə rəqib hücumunun qarşısını xalla alıblar. Bu siyahıda birinci olan Xristina Ruseva (Bolqarıstan) 16 xalla ən yaxın izləyicisini 7 xal qabaqlayır.

• Millimiz Portuqaliya ilə qarşılaşacaq
• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq