Kişi voleybolçulardan ibarət Azərbaycan klublarının avrokubokda 2 komanda ilə təmsil olunacağı planlaşdırılır. Apasport.az saytının məlumatına görə, ölkə çempionu “Lokomotiv” ikinci cəhddə də “Çelenc Cup”da iştirakı gözlənilir.

Amma onlar bu dəfə tək olmayacaqlar. Yüksək Liqanın gümüş medalçısı “Sərhədçi” tarixində qazandığı ilk uğurunu beynəlxalq arenada da davam etdirmək arzusundadı. Ziya Rəcəbovun başçılıq etdiyi komanda da “Çelenc Cup”da qüvvəsini sınamaq istəyindədi.

Əgər hər 2 klubumuz avrokuboklarda iştiraklarını təsdiqləsələr, bu Azərbaycan voleybolu üçün son 15 mövsümdə ilk olacaq. Çünki sonuncu dəfə 2 komandamız 2003/2004 mövsümündə beynəlxalq arenada mübarizə aparıb. Həmin vaxt ölkəmizi “Metro” və “Azərneft” təmsil edib.

• Millimiz Portuqaliya ilə qarşılaşacaq
• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq