Qadın voleybolçular arasında keçiriləcək Qızıl Avropa Liqasında Azərbaycan millisinin rəqibi Portuqaliya yoxlama matçı keçirib. Apasport.az saytının məlumatına görə, prineylilər Viana-du-Kaştelu şəhərində İspaniya yığması ilə üz-üzə gəlib.

Qarşılaşma portuqaliyalıların qələbəsi ilə başa çatıb. Onlar İspaniyanı 3:1 (25:20, 25:15, 23:25, 25:19) hesabı ilə məğlub ediblər. Görüşün bombardiri Yuliya Kavalenlenka olub. Portuqaliyalı hücumçunun 20 zərbəsi dəqiq alınıb.

Qeyd edək ki, Faiq Qarayevin yetirmələri Portuqaliyanı mayın 23-də qəbul edəcək. Komandalar arasında ikinci görüş isə iyunun 2-də olacaq.

• Millimiz Portuqaliya ilə qarşılaşacaq
• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq