Qadın voleybolçular arasında İtaliya A seriyasında VII turun oyunları keçirilib. Apasport.az saytının məlumatına görə, tur çərçivəsində Azərbaycan millisinin hücumçusu Yelizaveta Səmədovanın şərəfini qoruduğu “Skandiççi” “Novara”nı qəbul edib.

Görüş təmsilçimizin komandası üçün uğursuz alınıb. Bu matçadək uduzmayan ev sahibləri gözlənilmədən 0:3 (18:25, 25:27, 21:25) hesabı ilə məğlub olub.

İtaliyaya yollanandan rəsmi görüşlərdə meydana çıxmayan Səmədova bu dəfə də oyunu azarkeş kimi izləyib.

Qeyd edək ki, VII turdan sonra aktivində 17 xalı olan “Skandiççi” turnir cədvəlində üçüncüdü.