Yüksək Liqa: “Azərreyl”dən inamlı qələbə
04.04.2025 - 21:55
Yüksək Liqa: “Azərreyl”dən inamlı qələbə

Bu gün qadın voleybolçular arasında Yüksək Liqada XVIII tura start verilib.

Apasport.az xəbər verir ki, ilk oyun günündə iki matç baş tutub.

Hər iki qarşılaşma Bakıda keçirilib. GİN-in Voleybol Mərkəzində öncə liderlər “Abşeron”la “Milli Aviasiya Akademiyası” üz-üzə gəlib. Oyun nominal meydan sahiblərinin 3:0 hesablı qələbəsi ilə yekunlaşıb.

Ardınca “Azərreyl” autsayder UNEC-i sınağa çəkib. "Dəmiryolçular" çətinlik çəkmədən hesablarına 3 xal yazıblar.

Qeyd edək ki, tura sabah keçiriləcək “Gəncə” - “Murov Az Terminal” matçı ilə yekun vurulacaq.

Yüksək Liqa (qadınlar)
XVIII tur
4 aprel

16:00. “Abşeron” - “Milli Aviasiya Akademiyası” - 3:0 (25:17, 25:19, 25:17)

18:00. “Azərreyl” - UNEC - 3:0 (25:14, 25:22, 25:19)