“Maraqlı, əvvəlki mundialları geridə qoyacaq dünya çempionatı izləyəcəyimizə ümid edirəm”.

Bunu apasport.az saytına açıqlamasında “Sabah”ın kapitanı Elvin Camalov Qətərdə keçiriləcək dünya çempionatı ilə bağlı danışarkən deyib.

Azərbaycan millisinin yarımmüdafiəçisi noyabrın 20-də start götürəcək mundialla bağlı düşüncələrini bölüşüb. 27 yaşlı orta sahə oyunçusu turnirdəki favoritlərini və azarkeşlik edəcəyi komandanı da açıqlayıb: “Dünya çempionatında iştirak edəcək komandalar arasında Portuqaliya millisinə daha çox simpatiyam var. Bu yığma ilə yanaşı, Argentina, Braziliya və İspaniyanın dünya çempionatının əsas favoritləri olduğunu düşünürəm”.

Qeyd edək ki, DÇ-2022 dekabrın 18-dək davam edəcək. Noyabrın 20-dəki açılış oyununda ev sahibi Qətərlə Ekvador üz-üzə gələcək.
 

• AFFA və hakimləri təhqir edən klub prezidentini 10 oyuna buraxılmayacaq
• “Qarabağ”ın potensial rəqiblərinin görüşündə 4 qol
• Orxan Məmmədov “Avropa Biznes Kuboku”nun qalibləri ilə görüşüb
• Nazim Əliyev: “Mənim üçün hər iki komanda da doğmadır”
• İlham Yadullayev: "Sumqayıt" Samir Abasovun sayəsində yüksəliş dövrünü yaşayır" - MÜSAHİBƏ