Azərbaycan boksçusu Məhəmməd Abdullayev Polşada keçirilən III Avropa Oyunlarında növbəti döyüşünü keçirib. 

Apasport.az saytının məlumatına görə, +92 kq çəkidə qüvvəsini sınayan dünya çempionatının mükafatçısı 1/8 final çərçivəsində Nikoloz Beqadzeni (Gürcüstan) sınağa çəkib. 

Startda Uğur Aydemiri (Türkiyə) məğlub edən Abdullayev ikinci görüşünü də xeyrinə bitirib və mərhələ adlayıb. Məhəmməd 1/4 finalda yunanıstanlı Stilianos Pouliasla döyüşəcək. Görüş iyunun 28-də olacaq. 

Qeyd edək ki, bu gün daha 2 boksçumuz rinqə çıxacaq. Anaxanım İsmayılova (50 kq) Rita de Pinyo Soareslə (Portuqaliya) və Məhsəti Həmzəyeva-Ağamalıyeva (57 kq) Tatevik Xaçatryanla (Ermənistan) qarşılaşacaq. 
 

• “Qarabağ” və “Zirə”nin 37-ci dueli
• Kunde zədələndi
• A Seriyasının ən DƏYƏRLİSİ
• Dünya çempionatının keçici bayrağı Azərbaycana təqdim olundu
• Paracüdoçumuz 1/4 finalda məğlub oldu