“Neftçi”nin yay transfer pəncərəsində heyətinə qatmaq istədiyi futbolçulardan birinin adı bəlli olub.

Apasport.az saytının məlumatına görə, Bakı klubunun maraq dairəsində olan oyunçulardan biri Klaudiu Petriladır.

“Ağ-qaralar” Klujun ÇFR klubunda forma geyinən rumıniyalı vingeri icarəyə götürməyi planlaşdırır. 23 yaşlı futbolçu hücumameylli yarımmüdafiəçi kimi də çıxış edir.

2018-ci ildən ÇFR-in əsas komandasında olan Petrila 2020/21 mövsümünün yarısını icarə əsasında “Sepsi”də keçirib. O, cari çempionatda 34 oyunda 2 qol vurub.

Qeyd edək ki, Rumıniyanın aşağı yaş qrupları üzrə yığmalarında oynamış Petrila ötən il əsas millinin heyətində də debüt edib.

• "Bizim üçün "Qarabağ"ın qələbə qazanması daha sərfəli idi, lakin hər cür gedişata hazır idik" - MÜSAHİBƏ
• "Fənərbaxça"nın çempionluğu möcüzələrə qaldı
• Millidə ciddi itki
• Salah: "Enfild"də qol vurmağın necə bir hiss olduğunu heç vaxt unutmayacağam"
• Avropa Oyunları gündəliyi: İDMANÇILARIMIZIN KRAKOV SINAĞI