Çempionlar Liqasında uğursuz mövsüm keçirən “Barselona”nın Avropa Liqası ilə bağlı planları bəlli olub.

Apasport.az saytının məlumatına görə, bunu klubun baş məşqçisi Xavi açıqlayıb.

O bildirib ki, əgər komandası qrupda üçüncü yeri tutsa, Avropa Liqasına barmaqarası yanaşmayacaq. Xavi bu turnirdə mübarizə aparan bütün komandalara, o cümlədən “Qarabağ”a meydan oxuyaraq kuboku qazanmaq istədiklərini gizlətməyib: “Biz mübarizəmizi Çempionlar Liqasında davam etdirmək istəyirik. Amma bu istəyimiz reallaşmasa, Avropa Liqasının qalibi olmaq üçün aslanlar kimi döyüşəcəyik. Xarakterimiz zəifləməməlidir. “El Klasiko”dakı məğlubiyyətdən “Vilyarreal” və “Atletik”lə matçları yaxşı keçirdik. Pley-offa çıxmasaq, özünəinamı itirməməliyik”.

Qeyd edək ki, hazırda 4 xalla qrup üçüncüsü olan “Barselona” “Bavariya”dan 8, “İnter”dən üç xal geri qalır. Şəxsi oyunlarda ispaniyalıları üstələyən sonuncular autsayder “Viktoriya”nı qəbul edəcək.
 

• Beyranvanddan möhtəşəm oyun - İran qapıçısı matçın oyunçusu seçildi
• Ayaz Quliyev: “Azərbaycan yığmasında oynamaq üçün müzakirə edəcəyimiz məqamlar var”
• Yığmamız qitə çempionatına 3 parataekvondoçu ilə yollanır
• Slovakiya – Azərbaycan oyunu EKSPERT GÖZÜNDƏ
• “Sabah” – “Neftçi” matçının hakimi müəyyənləşib