“Braziliyalı olduğum üçün öz ölkəmin milli komandasına azarkeşlik edəcəm”.

Bunu apasport.az saytına açıqlamasında “Qarabağ”ın yarımmüdafiəçisi Julio Romao noyabrın 20-də Qətərdə keçiriləcək dünya çempionatı barədə danışarkən deyib.

24 yaşlı braziliyalı orta sahə oyunçusu mundialda doğma komandalarına azarkeşlik edəcəyini söyləyib: “Dünya çempionatı zamanı Braziliyanın bütün oyunlarında uğur qazanması üçün dua edəcəyəm. Həyəcanla millimizin matçlarını gözləyirəm. Təbii ki, favoritim də öz komandamızdır. Hesab edirəm ki, Braziliya yığması bu il, nəhayət ki, dünya çempionu ola biləcək”.

Qeyd edək ki, Braziliya yığması mundialın G qrupunda Serbiya, İsveçrə və Kamerunla mübarizə aparacaq. “Pentakampeonlar” ilk oyununu noyabrın 24-də Serbiyaya qarşı keçirəcək.

• Azərbaycan Boks Federasiyasının 100 illiyi ilə bağlı xüsusi loqo hazırlanıb - FOTO
• Rövşən Nəcəf: "Premyer Liqanın formatı və klub sayına yenidən baxılacaq"
• U-17 millimiz Türkiyə yığmasına məğlub olub
• Vaqif Cavadova təhlükə, Qurban Qurbanovda böyük üstünlük
• Millətlər Liqasında 7 oyun: Diqqət qonşuların duelinə