Niderland millisinin baş məşqçisi Lui van Qal rekorda şərik olub.

Apasport.az saytı xəbər verir ki, 71 yaşlı çalışdırıcı buna dünya çempionatının qrup mərhələsinin Ekvadorla matçında (1:1) nail olub.

Bu görüşdə qeydə alınan bərabərlikdən sonra təcrübəli mütəxəssis mundiallarda ardıcıl 9-cu matçının əsas vaxtında uduzmayıb.

Bununla, Van Qal 1934-cü və 1938-ci illərdə İtaliya ilə dünya çempionu olan əfsanəvi Vittorio Potsonun rekordunu təkrarlayıb.

Onun Niderland millisinə ötən ilin avqustunda reallaşan qayıdışından sonra komandası məğlub olmayıb. "Narıncılar" bu müddət ərzində keçirdiyi 17 oyunda 12 qələbə qazanıb, 5 dəfə heç-heçə edib.

Qeyd edək ki, A qrupunda yer alan Niderland yığması növbəti matçını 29 noyabrda Qətərə qarşı keçirəcək.

• Azarkeşlər meydana daxil oldular, komandaya texniki məğlubiyyət verildi
• Avropa Liqası: “Fənərbaxça” və digərləri...
• “Dunayska Streda” "Dalğa Arena"da məşqə çıxmaqdan imtina edib
• Bakıda yeniyetmə cüdoçular üçün təlim-məşq toplanışına start verilib - FOTO
• A Seriyası: Lider 3 xalı 3 qolla qazanıb - VİDEO