Avstriyanın Linz şəhərində keçirilən cüdo üzrə Qran-Pri turnirinə start verilib.

Apasport.az xəbər verir ki, yarışın ilk günündə Azərbaycan milli komandasının bir üzvü fəxri kürsünün ən yüksək pilləsinə qalxıb.

66 kq çəki dərəcəsində mübarizə aparan Ruslan Paşayev qızıl medal qazanıb. Cüdoçumuz finala gedən yolda ardıcıl olaraq İsrail təmsilçisi Eran Fiksə, serbiyalı Matiya Yeremiçə, eləcə də ispaniyalı Adrian Nieto Çinarro və David Qarsiya Torneyə qalib gəlib.

Ruslan Paşayev həlledici görüşdə braziliyalı Ronald Limanı qızıl xal bölümündə tsubame-qaeşi fəndi ilə məğlub edərək çempion olub.

Qeyd edək ki, Azərbaycan millisi Linzdə keçirilən turnirdə 7 cüdoçu ilə təmsil olunur.

• AFFA nümayəndəsi “Bavariya” - “Çelsi” matçında
• Acunun komandası baş məşqçi ilə yollarını ayırıb
• "Neftçi"nin yeni məşqçi heyəti AÇIQLANDI
• “Qalatasaray” Sançez məsələsini həll etdi: Yeni müqavilə
• Kunde “Barselona”nın bir addımlığında