Mütləq Döyüş Çempionatının (UFC) Bakıda keçiriləcək turnirində 70-ə yaxın ölkədən azarkeşlərin olacağı gözlənilir.

Apasport.az xəbər verir ki, bunu Bakı Şəhər Halqası Əməliyyat Şirkəti açıqlayıb.

Qurumdan bildirilib ki, yarışa maraq olduqca yüksəkdir:

"Bilet satışı ötən ilin eyni dövrü ilə müqayisədə daha sürətlə davam edir və satılan biletlərin yarısını xarici azarkeşlər əldə edib. Turnirə ən böyük maraq ABŞ, Böyük Britaniya, Almaniya, Türkiyə, Qazaxıstan və İsraildən müşahidə olunur. Ümumilikdə isə biletlər dünyanın 67 ölkəsindən olan azarkeşlər tərəfindən əldə edilib".

Xatırladaq ki, bu il "UFC Fight Night" iyunun 27-də Milli Gimnastika Arenasında baş tutacaq.

• "Qalatasaray"ın sabiq futbolçusu I Liqa klubunu çalışdıracaq
• “Çelsi”nin müdafiəçisi İtaliya klubunun hədəfində
• "Kəpəz" üçün əlamətdar göstərici: 1000-ci rəsmi oyun
• Prezident: “Əminəm ki, bundan sonra Minifutbol Federasiyamız da dövlət tərəfindən eyni qayğı ilə əhatə olunacaq”
• Mbappe üçün imza mərasimi keçiriləcək