Qazaxıstanın paytaxtı Astanada keçirilən güləş üzrə dünya çempionatında Azərbaycanın daha iki yunan-Roma güləşçisi yarımfinala yüksəlib.
Apasport.az xəbər verir ki, Nihat Məmmədli (63 kq) və Həsrət Cəfərov (67 kq) 1/4 final mərhələsini uğurla adlayıblar.
Nihat Məmmədli 1/4 finalda Qətər təmsilçisi Aref Mohammadini məğlub edib. Təmsilçimiz yarımfinalda rusiyalı Sergey Yemelini də üstələyərək finala vəsiqə qazanıb.
O, sabah qızıl medal uğrunda görüşdə Ermənistan təmsilçisi Karen Aslanyanla qarşılaşacaq.
Həsrət Cəfərov isə 1/4 finalda Cənubi Koreya güləşçisi Hanjae Çunqa qalib gəlib. O, yarımfinalda iranlı Səid Esmaeili ilə qarşılaşmadan məğlub ayrılıb. O, sabah üçüncü yer uğrunda görüşdə qüvvəsini sınayacaq.
87 kq çəki dərəcəsində mübarizə aparan İslam Abbasov isə 1/8 finalda məğlub olaraq mübarizəni dayandırıb.
Qeyd edək ki, noyabrın 1-də başa çatacaq dünya çempionatında Azərbaycan yığması artıq iki qızıl medal qazanıb. Eldəniz Əzizli (55 kq) və Sənan Süleymanov (77 kq) dünya çempionu olublar.
Oxşar xəbərlər
Ana səhifə
Bütün xəbərlər