Meksika millisi dünya çempionatları tarixində ilk dəfə Azteka stadionunda məğlub olub.

Apasport.az xəbər verir ki, "El Tri" DÇ-2026-nın 1/8 finalında İngiltərəyə 2:3 hesabı ilə uduzaraq turnirlə vidalaşıb.

Bununla da Meksikanın dünya çempionatlarında Azteka stadionundakı məğlubiyyətsizlik seriyası başa çatıb.

Meksika bu oyuna qədər mundiallarda Aztekada keçirdiyi 10 qarşılaşmada 6 qələbə qazanmış, 4 dəfə heç-heçə etmişdi. İngiltərəyə məğlubiyyət isə komandanın bu stadionda dünya çempionatları tarixində ilk uduzduğu oyun olub.

Qeyd edək ki, Azteka stadionu 1970, 1986 və 2026-cı illərdə dünya çempionatı oyunlarına ev sahibliyi edib.

• "Qarabağ Mechack 9030" komandasından uğurlu nəticələr
• Levandovski “Bavariya”ya qoşulur
• Türam İngiltərə yolunda
• “Zirə” - “Turan Tovuz” matçının hakimləri bəlli oldu
• Premyer Liqada penalti statistikası: 16 turda 36 penalti