Beynəlxalq dərəcəli hakimlərimiz Avropa Voleybol Konfederasiyası (CEV) tərəfindən təyinat alıblar.

Apasport.az xəbər verir ki, həmyerlimiz Zaur Hacıyev Çağırış kubokunda 1/4 final mərhələsinin matçını idarə edəcək.

O, qadın voleybolçulardan ibarət Türkiyənin “Nilüfer Belediye Bursa” və Rumıniyanın “C.S.M. LUGOJ” klublarının qarşılaşmasında ikinci hakim olacaq. İlk oyunda “Nilüfer Belediye Bursa” komandası səfərdə 3:1 hesabı ilə qalib gəlib.

Beynəlxalq dərəcəli hakimimiz Fuad Ağayev isə CEV kubokunda pley-off mərhələsinin oyununu idarə edəcək.

O, kişi voleybolçulardan ibarət Türkiyənin “Fenerbahçe PRL İSTANBUL” və Ukraynanın “SC Prometey DNIPRO” klublarının cavab matçında ikinci hakim olacaq. İlk qarşılaşmada Ukrayna təmsilçisi 3:1 hesabı ilə qalib gəlib.

Qeyd edək ki, hər iki oyun bu gün baş tutacaq.

• "Məni xilas edən xüsusi təyinatlı zabit sonradan intihar etdi" - MÜSAHİBƏ
• “Zirə”nin legioneri: “Premyer Liqada bizdən stabil komanda yoxdur” - Müsahibə
• Mübariz Orucov: “Nəsə deməyim düzgün olmaz”
• İngiltərəli forvard Bundesliqanın ən yaxşısı seçildi
• İvan Brkıç: "Qarabağ"la görüşdə də "quru seriya"nı davam etdirəcəm" - MÜSAHİBƏ