"Atletiko"nun hücumçusu Anxel Korreanı sərt cəza gözləyir.

Apasport.az xəbər verir ki, bu barədə "Marca" məlumat yayıb.

Korrea İspaniya çempionatının "Xetafe" ilə oyununda (1:2) hakimi təhqir etdiyinə görə qırmızı vərəqə almışdı. O, bu səbəbdən uzun müddətlik diskvalifikasiya oluna bilər.

La Liqa qaydalarına əsasən, hakimə, köməkçi hakimə, dördüncü hakimə, menecerlərə və ya idman səlahiyyətlilərinə qarşı təhqiramiz ifadələr işlətməyin cəzası 4-12 oyunluq diskvalifikasiyadır.

Xatırladaq ki, argentinalı forvard "Xetafe" ilə matçın 87-ci dəqiqəsində qırmızı vərəqə alıb. O, meydandan qovulanda hakimin ailəsinə qarşı bir sıra nalayiq ifadələr işlədib. 

• “Neftçi”də yeni məşqçi
• “Qarabağ”ın oyununa 3 MƏRC
• “Mançester Yunayted” son dəqiqələrdə sevindi
• Azər Bağırov: "Maraqlı həftə keçirəcəyik"
• “Mingəçevir reqatası-2023”: Azərbaycan yığmasından 20 medal