“Beşiktaş”da növbədənkənar prezident seçkilərinin vaxtı açıqlanıb.

Apasport.az xəbər verir ki, klubun idarə heyətinin iclasından sonra seçkinin 10 dekabrda keçiriləcəyi elan olunub.

Əgər ilk seçkilərdə yeni prezidenti seçmək mümkün olmasa, o zaman təkrar seçkilər 17 dekabr tarixində baş tutacaq. “Qara qartal”larda hazırki prezident Ahmet Nur Çebinin seçkilərdə iştirak edib-etməyəcəyi hələlik bəlli deyil.

Qeyd edək ki, yeni mövsümə uğursuz start götürən “Beşiktaş”da xüsusilə Avropa Liqasında evdə “Luqano”ya qarşı alınan məğlubiyyət abu-havanı lap korladı. Bu nəticədən sonra komandanın baş məşqçisi Şenol Günəş istefa verdi. Hazırda İstanbul klubunu oyunlara köməkçi-məşqçi Burak Yılmaz çıxarır.

• Avropa çempionatında iştirak edəcək millimizin heyəti açıqlanıb
• "Neftçi"nin Türkiyə toplanışından FOTOLENT
• Şahin Diniyev: “Feyenoord” “Roma”nı açıq futbola məcbur edəcək”
• "Neftçi" “Murov Az Terminal”la üz-üzə gələcək
• Dünya Taekvondosunun prezidenti: “Azərbaycanda taekvondonun inkişafına böyük dəstək göstərilir”