2022-ci ilin bombardirləri açıqlandı: Kadi Borqes dünya ulduzlarını qabaqlayır

03.08.2022 - 12:03

2022-ci ilin ən yaxşı bombardirləri açıqlanıb.

Apasport.az saytının məlumatına görə, ilin ilk 7 ayı ərzində bütün yarışlarda ən çox qol vuran futbolçular yer alıb.

İFFHS-in cədvəlinə ən azı 17 dəfə fərqlənən 57 oyunçu daxil edilib. German Cano siyahıya başçılıq edir. “Fluminense”nin argentinalı forvardının aktivində 29 qol var.

Onu Fransa millisinin forvardları izləyir. Kilian Mbappe 27, Kərim Benzema isə 25 topla müvafiq olaraq 2-3-cü yerlərdə qərarlaşır.

“Qarabağ”ın hücumçusu Kadi Borqes də siyahıya düşüb. Braziliyalı yarımmüdafiəçi il ərzində rəqib qapılarından ümumilikdə 19 top keçirib. O, hazırda dünyada ilin ən məhsuldar 17-ci futbolçusudur. Kadi siyahıda adları olan tanınmış simalar arasında Pablo Sarabia, Vissam Ben Yedder, Erlinq Haaland, Xın-Min Son, Harri Keyn, Mussa Dembele, Pedro, Lautaro Martines, Darvin Nunyes, Andre-Pyerr Jinyak kimi ulduzları qabaqlayır.

Yer	Futbolçu	Klubu / Ölkəsi	Qol
1	German Cano	“Fluminense” / Argentina	29
2	Kilian Mbappe	PSJ / Fransa	27
3	Kərim Benzema	“Real” / Fransa	25
4	Sadio Mane	“Bavariya” / Seneqal	22
5	Robert Levandovski	“Barselona” / Polşa	22
6	Berqson	“Johor Tazim” / Braziliya	21
7	Kristofer Nkunku	“Leypsiq” / Fransa	21
8	Boris Kopitoviç	“Tampines Rovers” / Monteneqro	21
9	Yav Annor	“Aşanti Qold” / Qana	21
10	Qabriel Barbosa	“Flamenqo” / Braziliya	20
11	Mehdi Taremi	“Porto” / İran	20
12	Dorielton	“Abahani Daka” / Braziliya	20
13	Rafael Veyqa	“Palmeyras” / Braziliya	19
14	Xulian Alvares	“Mançester Siti” / Argentina	19
15	Zeka	“Daequ” / Braziliya	19
16	Amal Pelleqrino	“Bodo Qlimt” / Norveç	19
17	Kadi Borqes	“Qarabağ” / Braziliya	19
18	Pablo Sarabia	PSJ / İspaniya	19
19	Odion İqalo	“Əl-Hilal” / Nigeriya	19
20	Marsel Ernandes	Cartaginés (Costa Rica)	19