“Araz-Naxçıvan”ın qış hazırlıq planı məlum olub.
Apasport.az xəbər verir ki, bunu Naxçıvan təmsilçisinin mətbuat xidməti açıqlayıb.
Komanda gələn il yanvarın 5-də bir araya gələcək. Hazırlığın birinci mərhələsi Bakıda həyata keçiriləcək.
Yanvarın 10-da “qırmızı-ağlar” yeni ildə ilk matçına çıxacaq. Yoldaşlıq oyununda rəqib “Zirə” olacaq. Matçın başlama saatı və keçiriləcəyi məkan hələ dəqiqləşməyib.
Ertəsi gün istirahət edəcək komanda yanvarın 12-də Qəbələdə ikinci mərhələyə start verəcək. Yanvarın 15-də Qəbələdə Premyer Liqa klublarından biri ilə qarşılaşacaq “Araz-Naxçıvan” matçdan sonra Bakıya dönəcək.
Bu dəfə 2 gün istirahət edəcək futbolçular yanvarın 18-dən etibarən Misli Premyer Liqasının XIX turu çərçivəsində “Qarabağ”la baş tutacaq matça hazırlaşacaq.
Oxşar xəbərlər
Ana səhifə
Bütün xəbərlər
Hesabım