“Stresli oyun idi. İkinci hissədə oyunda dönüş yaratmaq istədik”.

Apasport.az saytı xəbər verir ki, bunu “Turan-Tovuz”ın baş məşqçisi Ayxan Abbasov deyib.

Misli Premyer Liqasının VIII turunda öz meydanında “Neftçi”yə 0:1 hesabı ilə Tovuz klubunun çalışdırıcısı standart vəziyyətdən qol buraxdıqlarına görə təəssüflənib: “Qənirə xanımı ehtiramla yad edrik. O, həm Azərbaycan üçün, həm də, “Turan Tovuz” üçün önəmli insan idi. Ən böyük arzusu komandamızın Premyer Liqada oynaması idi. Bunun üçün çox çalışırdı. Ailəsinə, sevənlərinə başsağlığı veririk. Allah rəhmət eləsin. Oyuna gəldikdə “Neftçi”nin son iki oyundur aqressiv və oyundan-oyuna daha yaxşı olduğunu görürük. Bu gün də bu təzyiqi gördük. Bizim də qol imkanlarımız oldu. İlk qolu vursaydıq oyun bizim üçün yaxşı bitə bilərdi. Təəssüf ki, standart vəziyətdən qol buraxdıq. Çempionat davam edir. Ən gərgin vaxtlara keçirik. Çünki zədə, vərəqə cəzlarının çoxaldığı bir dönəmə giririk. Səbrli olmalıyıq. Səhvlərimizdən nəticə çıxarmalıyıq”.

Qeyd edək ki, “Turan-Tovuz” bu mövsüm öz meydanında keçirdiyi hər üç oyunda qələbə qazana bilməyib. Bir oyunda heç-heçə oynayan tovuzlular, iki görüşdə uduzublar.
 

• Regekampf irəlilədi, Qurbanov mövqeyini itirdi
• “Qarabağ” – “Zirə” oyununun vaxtı açıqlandı
• İki oyunluq KUPON
• “Apasport” KUPONU
• Milli komandamızın üzvü "Antalyaspor"da