Azərbaycan milli komandasının üzvlərinə seminar keçirilib.

Apasport.az xəbər verir ki, bunu AFFA açıqlayıb.

19 yaşadək qadın futbolçulardan ibarət yığmamıza danışılmış oyunlarla bağlı maarifləndirici seminar təşkil olunub. UEFA-nın danışılmış oyunlarla bağlı Azərbaycan üzrə nümayəndəsi Seymur Səlimli “Danışılmış oyun haqqında nələri bilməliyik?” və “Bizim hədəfimiz sizi və futbolumuzu qorumaqdır” mövzularında mühazirə oxuyub, maarifləndirici və hesabat xarakterli təqdimatlar edib. 

Seminarda "Danışılmış oyunlar"a qarşı mübarizə mövzusunda olduqca əhəmiyyətli məsələlər müzakirə olunub, təcrübə mübadiləsi aparılıb. Danışılmış oyunların yerli və beynəlxalq nümunələri seminar iştirakçılarına təqdim edilib. İdman Yarışlarının Manipulyasiyası haqqında Konvensiya, Azərbaycan Respublikasının Cinayət Məcəlləsinə, Bədən Tərbiyəsi və İdman haqqında Azərbaycan Respublikasının Qanununa bir sıra əlavə və dəyişikliklər, eləcə də İntizam Komitəsinin İntizam Məcəlləsinə edilmiş əlavə və dəyişikliklər haqqında seminar iştirakçılarına məlumat verilib.

Qeyd edək ki, seminar iştirakçılarına bildirilib ki, bu cür neqativ hallarla və ya şübhəli məqamlarla qarşılaşdıqda əlavə edilmiş linkə daxil olub, göstərilmiş əlaqə nömrələrinə və ya elektron ünvana (https://www.affa.az/index.php/news/danlm-oyunlar-v-oyun-nticlrinin-manipulyasiyas/59967) məlumat göndərə bilərlər. 
 

• Fatimə Zəhra: "Əlimdən gələni etməyə çalışdım"
• Fred Vanvlit və Dillon Bruks “Hyuston”a keçir
• “Çelsi” İspaniyadan futbolçu alır
• Heydər Əliyev Mərkəzinin qarşısında məşğələlər təşkil olunub
• PSJ-də itki