Bakıda keçirilən şahmat üzrə Dünya Kubokunda 1/4 final mərhələsinin cavab görüşləri keçirilir. 

Apasport.az saytının məlumatına görə, ilk oyunda Hindistan təmsilçisi Vidit Santoşla heç-heçə oynayan Azərbaycan şahmatçısı Nicat Abasov bu gün ikinci partiyada inamlı qələbə qazanıb. 28 yaşlı qrossmeyster cavab oyununda Vidit Santoşu məğlub etməklə yarımfinala vəsiqə qazanıb.

O, Dünya Kubokunda yarımfinala vəsiqə qazanan ikinci azərbaycanlı şahmatçı olub. Buna qədər 2019-cu ildə şahmatçımız Teymur Rəcəbov ilk dəfə yarımfinalda iştirak edib və həmin il turnirin qalibi olub. 

Qeyd edək ki, Dünya Kubokunda yarımfinal avqustun 19-da başlayacaq. N.Abasovun yarımfinalda rəqibi Maqnus Karlsen (Norveç) - Domaradju Qukeş (Hindistan) cütünün qalibi olacaq.

• Niderland Polşanı “dişinə çəkəcək” - PROQNOZ
• “Kəpəz”də yeni müqavilə
• Zaurun kuponu
• "Qarabağ"ın Romao planı
• Dünya və ya Avropa çempionatı Azərbaycanda keçirilə bilər