Cəlalın komandasından ardıcıl ikinci qələbə

11.08.2023 - 22:38

Cəlal Hüseynov Bolqarıstan çempionatında növbəti oyununu keçirib.

Apasport.az saytı xəbər verir ki, onun çıxış etdiyi “Arda” turu qələbə ilə başa vurub.

Karcali klubu öz meydanında “Lokomotiv”lə üz-üzə gəlib. Sofiyalılarla oyunun taleyini bir qol həll edib. 20 yaşlı müdafiəçimiz meydana sonradan daxil olub və qələbə topunun müəllifi Kotevi əvəzləyib. Hüseynov 9 dəqiqə mübarizə aparıb.

Qeyd edək ki, Cəlalın meydanda olduğu ikinci oyunda da “Arda” qələbə qazanıb. Komanda 4 görüşdən sonra 7 xal toplayıb.