Stolüstü tennisçimiz erməni rəqibi üzərində inamlı qələbə ilə növbəti mərhələdə
Gürcüstanın paytaxtı Tbilisi şəhərində stolüstü tennis üzrə “Wtt youth contender Tbilisi” turnirinə start verilib.
Stolüstü Tennis Federasiyasından apasport.az saytına verilən məlumata görə, yeniyetmələrdən ibarət Azərbaycan millisi bu yarışda həm oğlanların, həm də qızların turnirində təmsil olunur.
Əvvəlcə oğlanların mübarizəsi başlanıb. Sentyabrın 21-dək keçiriləcək turnirdə böyük məşqçi Fərhad İsmayılov və məşqçi Ramil Cəfərovun rəhbərliyi ilə Adil Əhmədzadə, Rüstəm Hacılı, Hüseyn Eylazov və Onur Quluzadə bacarığını göstərəcək.
Bu gün 17 yaşadək idmançıların mübarizəsinə qatılan Adil Əhmədzadə qrup mərhələsində iranlı Nima Nagavi, qazaxıstanlı Ramazan Nazir və ermənistanlı Narek Stepanyan üzərində inamlı qələbələrlə növbəti mərhələyə adlayıb. Onun 1/8 finaldakı rəqibi İran idmançısı Seyedsina Horeyşian olacaq.
Oxşar xəbərlər
Ana səhifə
Bütün xəbərlər
Hesabım