Azərbaycanlı FIFA referisi Əliyar Ağayev "Olimpiakos" və AEK komandaları arasında baş tutan Yunanıstan Kubokunun yarımfinal mərhələsinin cavab oyununu idarə edib.

Apasport.az xəbər verir ki, Pirey təmsilçisinin 2:1 qalib gəldiyi oyunda Ağayev 11 futbolçuya sarı vərəqə göstərib. O, "Olimpiakos"dan 6, AEK-dən isə 5 oyunçunu cəzalandırıb. Həmçinin, AEK-in 70-ci dəqiqədə vurduğu qol VAR-a baxıldıqdan sonra ləğv edilib.

Bundan başqa, Əliyar Ağayev 27-ci dəqiqədə oyunu dayandıraraq, hər 2 komandada oruc tutan müsəlman futbolçuların iftarı açmalarına şərait yaradıb.

Qeyd edək ki, AEK ilk oyunda 3:0 qalib gəldiyindən, finala çıxan komanda olub.

• “Qarabağ”ın matçının hakimləri müəyyənləşdi
• Paris-2024: Cüdoçumuz mübarizəni dayandırdı - YENİLƏNİB
• Tofiq Əliyevdən gümüş medal
• ABŞ çempionatının ən dəyərli oyunçusu mükafatına namizədlər müəyyənləşib
• Elçin Məsiyev KL matçına təyinat alıb