Mariya Stadnik 10-cu dəfə Avropa çempionu olub.

Apasport.az xəbər verir ki, 50 kq çəki dərəcəsində yer alan azərbaycanlı güləşçi Rumıniyanın paytaxtı Buxarestdə keçirilən qitə çempionatının finalında Türkiyə təmsilçisi Evin Demirhanla üz-üzə gəlib.

Rəqibi üzərində inamlı qələbə qazanan Stadnik qızıl medala sahib çıxıb. 

Bu gün yığmamızın digər üzvü Alyona Kolesnik (59 kq) də həlledici görüşdə Alina Filipoviçi (Ukrayna) sınağa çəkəcək. 

Qeyd edək ki, daha əvvəl yunan-Roma güləşi üzrə Azərbaycan millisi Avropa çempionatında 3 qızıl, 2 gümüş, 1 bürünc medal qazanıb. Nihat Məmmədli (60 kq), Murad Məmmədov (63 kq), Həsrət Cəfərov (67 kq) birinci, Rəşad Məmmədov (55 kq), Ülvü Qənizadə (72 kq) ikinci, Beka Kandelaki (130 kq) isə üçüncü yeri tutub.

• “Yuventus” Bonuççini heyətdən uzaqlaşdırdı
• Taekvondoçumuz Avropa çempionatında üçüncü olub
• Elif Elmas susqunluğunu pozdu
• Apasport KUPONU
• Soboslai seçimini etdi: “Nyukasl”a gedir