Azərbaycan millisində daha iki ilk yaşanıb.

Apasport.az saytının məlumatına görə, Filip Ozobiç və Anatoli Nuriyev yığmadakı qol hesabını açıb.

Hər iki futbolçunun siftəsi Millətlər Liqasının son turuna təsadüf edib. Onlar Qazaxıstan üzərində 3:0 hesablı qələbəyə bir qolla töhfə verib.

Anatoli yığmadakı 12-ci oyununda fərqlənib. Filip daha tez - 10-cu matçda ilkini rəsmiləşdirib.

Bununla da milli tarixində qol vuranların sayı 68-ə çatıb. Bu siyahıya 14 qolla Qurban Qurbanov başçılıq edir.

Qeyd edək ki, millinin sentyabrdakı qarşılaşmalarında 4 futbolçu qol hesabını açıb. 4 günü əhatə edən müddətdə öncə Renat Dadaşovla Höccət Haqverdi, ardınca Filiplə Anatoli siftə edib.
 

• 2,27 əmsallıq KUPON
• “Heydər Əliyev Kuboku-2024” turnirinin açılış mərasimi baş tutub
• "Sabah" çempionatın vahid lideri oldusa, "Sumqayıt"ın pley-off şansları bitdi
• Adil Şükürov: "Çox sevincliyik"
• Belçika ilk qələbəsini qazandı - YENİLƏNİB