“Neftçi”nin U-11 komandası “Fənərbaxça” Futbol Akademiyasının təşkilatçılığı ilə İstanbulda keçirilən Can Bartu beynəlxalq turnirində iştirak edib.

Apasport.az saytının məlumatına görə, baş məşqçi Mahmud Əhmədovun yetirmələri İtaliyanın “İnter” (Milan, 0:3), Türkiyənin “Altay” (4:0) və “Başakşehir” (0:1) klubları ilə oyunlardan sonra B qrupunda 3-cü olaraq 9-12-ci yerlər uğrunda mübarizə aparmaq hüququ qazanıb.

Burada Sofiya MOİK-inə 0:4 hesabı ilə uduzan “Neftçi” Türkiyənin “Manisa” klubuna qalib gələrək (1:0) 11-ci yeri tutub.

Qeyd edək ki, 5 ölkədən 16 komandanın yarışdığı turnirin qalibi finalda “Qalatasaray”ı 2:0 hesabı ilə məğlub edən “İnter” olub.
 

• "Çelsi" Dortmundda uduzdu, "Benfika" Belçikada qalib gəldi
• "Səbail" daha bir futbolçu ilə müqavilə imzalayıb
• Fanatların təzyiqi “Marsel”ə çıxış yolu qoymadı
• "Real Madrid" 12 yaşlı futbolçu ilə anlaşıb
• Avarçəkmə üzrə “Prezident Kuboku-2024”də 20-dən çox ölkə yarışacaq - VİDEO