“Matç TV” telekanalı beynəlxalq “Matç TV Kuboku” təşkil edəcək.
Apasport.az saytının məlumatına görə, mövsümlərarası əsas kubok uğrunda mübarizə ilk dəfə olaraq beynəlxalq səviyyədə baş tutacaq.
Bu il futbol turnirində “Fənərbaxça” (İstanbul, Türkiyə), “Neftçi” (Bakı, Azərbaycan), “Srvena Zvezda” (Belqrad, Serbiya) və “Zenit” (Sankt-Peterburq, Rusiya) iştirak edəcək. Qarşılaşmalar Sankt-Peterburqda – “Qazprom Arena” və “Smena” stadionlarında baş tutacaq.
İyulun 1-dən 15-dək keçiriləcək yarışın biletlərini “Zenit” klubunun saytından əldə etmək mümkün olacaq. “Matç TV Kuboku” turnirinin bütün oyunları “Matç TV” və “Matç Premyer” kanallarında canlı yayımlanacaq.
Artıq turnirin təqvimi də dəqiqləşib. Oyunların başlama saatı Bakı vaxtı ilə göstərilib:
1 iyul. 20:30. “Zenit” – “Neftçi” (“Qazprom Arena”)
4 iyul. 20:30. “Srvena Zvezda” – “Zenit” (“Qazprom Arena”)
8 iyul. 20:30. “Neftçi” – “Srvena Zvezda” (“Smena”)
9 iyul 20:30. “Zenit” – “Fənərbaxça” (“Qazprom Arena”)
12 iyul. 20:30. “Fənərbaxça” – “Srvena Zvezda” (“Smena”)
15 iyul. 15:00. “Neftçi” – “Fənərbaxça” (“Smena”)
Turnir başlamazdan əvvəl komandaların baş məşqçiləri, “Matç TV” rəhbərliyi və “Matç TV Kuboku”nun titul tərəfdaşının nümayəndələrinin iştirakı ilə ənənəvi mətbuat konfransı nəzərdə tutulub. Tarix və məkan hələ dəqiqləşməyib.
Mətbuat konfransında akkreditasiyadan keçmək üçün 30 iyun tarixinədək sadə formada [email protected] ünvanına ərizə göndərmək lazımdır. Turnirin oyunlarına akkreditasiya “Matç TV”nin mətbuat xidməti tərəfindən həyata keçirilir. Turnirin oyunlarına akkreditasiyadan keçmək üçün iyunun 30-dək nəşrin rəsmi blankında jurnalistlərin tam adı, pasport nömrəsi, həmçinin istədiyiniz iş sahəsi (mətbu orqan/foto) göstərilməklə ərizəni [email protected] ünvanına göndərmək lazımdır.
Akkreditasiyanın keçirilmə tarixi və yeri haqqında məlumat daha sonra elan ediləcək.
Oxşar xəbərlər
Ana səhifə
Bütün xəbərlər
Hesabım