“Qəbələ”nin U-19 komandası UEFA Gəncıər Liqasında mübarizəni başa vurub.

Apasport.az saytının məlumatına görə, Çempionlar yolunda mübarizə aparan “qırmızı-qaralar” I mərhələni adlaya bilməyib.

Zaur Hacıyevin yetirmələri Xorvatiya çempionu “Hayduk”u Qəbələ şəhər stadionunda qəbul edib. “Qırmızı-qaralar” Şahin Şahniyarovun qolu ilə hesabı açsa da, üstünlüyünü qoruya bilməyərək məğlubiyyətlə üzləşib – 1:2. Qonaqların heyətində Luka Vuşkoviç  və Yere Vrtsiç fərqləniblər.

Bu nəticə Split təmsilçisini növbəti mərhələyə daşıyıb. Səfərdə 0:3 hesabı ilə uduzan “Qəbələ” avrokuboklarda çıxışını başa vurub.

Qeyd edək ki, “Qəbələ” ardıcıl 4-cü, ümumilikdə 5-ci dəfə ölkəmizi Gənclər Liqasında təmsil edib.
 

• UEFA "Sumqayıt"ı cərimələyib
• “Barselona” 6,5 milyonluq müdafiəçiyə təklif göndərdi
• AFFA "Neftçi"nin prezidentini cəzalandırdı
• Aslan Kərimov: “Onların büdcəsi "Qarabağ"ınkı qədər olsa, ağdamlılar bu cür lider olası deyil” - MÜSAHİBƏ
• Federasiya prezidenti: “Avropa Oyunlarından ən azı 3-4 medal götürməyə çalışacağıq”