Paris-2024 Yay Olimpiya Oyunlarının kamandan oxatma yarışları davam edir.

Apasport.az xəbər verir ki, bu gün qadınların fərdi mübarizəsində 1/32 final matçları keçirilir.

Azərbaycan idmançısı Yaylagül Ramazanova 1/16 finala vəsiqə üçün mübarizə aparıb. O, Çin təmsilçisi Qixuan Anla görüşüb. Qarşılaşma 5:5 hesabı ilə yekunlaşdığından əlavə atışa ehtiyac yaranıb. Bu dəfə daha dəqiq olan Ramazanova növbəti mərhələyə yüksəlib. O, bu göstərici ilə Olimpiadalar tarixində ilk dəfə mərhələ adlayan oxatanımız adına yiyələnib.

Lakin Yaylagül uğurunun davamını gətirə bilməyib. O, 1/16 finalda Mişel Kroppenə (Almaniya) məğlub olaraq, Olimpiadaya vida edib.

• A seriyası KUPONU
• Xavi: "Barselona" PSJ-dən daha yaxşı idi"
• Avropa çempionatının favoritləri bəlli olub
• "Qalatasaray" "Barselona"nın futbolçusunu istəyir
• Arda Turana həbs CƏZASI