"Qalatasaray" liderliyə 90+5 qolu ilə yüksəldi

29.12.2022 - 23:04

Türkiyə Superliqasında XVI tura yekun vurulub.

Apasport.az xəbər verir ki, sonuncu oyun günündə 3 matç keçirilib.

"Girəsunspor" "Qaziantep"ə 2:1, "Qalatasaray" "Sivasspor"a 2:1, "Beşiktaş" isə "Adana Dəmirspor"a 1:0 hesabı ilə qalib gəlib. "Qalatasaray" qələbə qolunu 90+5-ci dəqiqədə vurub. Qolun müəllifi 73-cü dəqiqədə Bafetimbi Qomisi əvəzləyərək meydana girmiş Barış Yılmaz olub.

Bu nəticədən sonra "Qalatasaray" xalını 33-ə yüksəldib və yenidən liderliyə yüksəlib. "Cim Bom"u 1 xal fərqlə əzəli rəqibi "Fənərbağça" izləyir.