Serbiyanın Novi Sad şəhərində keçirilən güləş üzrə U-17 Avropa çempionatında sərbəst güləşçilər mübarizəyə qoşulub.

Apasport.az xəbər verir ki, Azərbaycan 3 güləşçisi finala yüksəlmək şansı qazanıb.

48 kq çəki dərəcəsində yarışan Hacıhüseyn Hüseynov türkiyəli Eren Yalçınla qarşılaşıb. Görüş rəqib idmançının 6:0 hesablı qələbəsi ilə başa çatıb. Hacıhüseyn bürünc uğrunda mübarizə aparacaq.

İsa Yusibov (65 kq) yarımfinalda Rati Revazaşvili (Gürcüstan) ilə qüvvəsini sınayıb. 10:4 hesabı ilə qalib gələn təmsilçimiz finala vəsiqə qazanıb.

Muxamad Qantemirov (110 kq) yarımfinalda Uğur İrtegünlə (Türkiyə) üz-üzə gəlib. Gərgin mübarizədə 8:7 üstün olan güləşçimiz adını finala yazdırıb.

Qeyd edək ki, həlledici görüşlər sabah baş tutacaq.

• Adrina Mutu: “Azlıqda qalsaq da...” – MÜSAHİBƏ
• Sabien Lilay: "Qarabağ" yeni transferi...”
• Həlledici matç kuponu
• "Omoniya"nın baş məşqçisi: "Növbəti mərhələyə vəsiqə qazanmağa biz daha layiq idik"
• "Liverpul" gənc müdafiəçisini İTİRDİ