Millimiz Özbəkistanda ilk qələbəsini qazanıb

16.05.2024 - 14:21

Azərbaycanın qadınlardan ibarət həndbol millisi Özbəkistanın paytaxtı Daşkənddə keçirilən Mərkəzi Asiyanın Açıq Çempionatında ilk matçına çıxıb.

Apasport.az xəbər verir ki, yığma yerli OKMK klubu ilə üz-üzə gəlib.

Qarşılaşma komandamızın 30:28 (18:13) hesablı qələbəsi ilə yekunlaşıb.

Qeyd edək ki, mayın 21-dək davam edəcək yarışda 9 komanda mübarizə aparır.

Yığmamız A qrupunda Qazaxıstanın ALMATA REGİON və Özbəkistanın ROPSTTM kollektivləri ilə də qarşılaşacaq.

Qruplarda ilk iki yeri tutacaq komandalar yarımfinala yüksələcəklər.

Əlirza Əlirzalı

0 0