Qadın voleybolçulardan ibarət “Azərreyl” klubu yeni mövsüm üçün heyətini gücləndirməyə davam edir. 

Klubdan apasport.az saytına verilən məlumata görə, ölkəmizi Çağırış kubokunda təmsil edəcək komanda baş məşqçi Cengiz Akarçeşmenin ardınca 5 oyunçu ilə danışıqları müsbət yekunlaşdırıb. 

Ötən mövsüm komandanın Azərbaycan çempionu olmasında pay sahibi olan blokçu Aynur İmanova, toppaylayıcı Raziyə Əliyeva, libero Asiyat Abuyeva və hücumçu Xanım Cəlilova ilə müqavilə yenilənib. Razılığa əsasən, onlar daha bir il “Azərreyl”in uğurları üçün çalışacaqlar.

Bu voleybolçularla yanaşı, Aişə Alismanova da yeni mövsümdən “Azərreyl”in formasını geyinəcək. Gənclər komandamızdan cəlb olunan 15 yaşlı hücumçu ilə rəsmi müqavilə imzalanıb.
 

• Evdə avtoqol varsa, qələbə bizimdir - STATİSTİKA
• Ən çox təzminat alan baş məşqçilərin SİYAHISI
• "Real" üçün şok: Mbappe zədələnib
• Mərakeş KUPONU
• “Milan”ın yeni baş məşqçisi rəsmiləşdi