Adrien Rabio anası kimi düşünmür

14.01.2024 - 11:56

Yarımmüdafiəçi Adrien Rabio "Yuventus"la müqaviləsini uzatmağa hazırdır.

Apasport.az xəbər verir ki, bu haqda 28 yaşlı mərkəz yarımmüdafiəçisinin özü məlumat verib.

Fransalı Turin klubu ilə razılaşmasını 2025-ci ilin yayına qədər artırarsa, komandanın kapitanı olmaq şansı da qazanacaq.
Ancaq futbolçunun meneceri olan anası orta xətt oyunçusunun təklifi qəbul etməsini istəmir.

Qeyd edək ki, Rabio 2019-cu ildən “Yuventus”da çıxış edir. O, bu mövsüm meydana çıxdığı 18 matçda 3 qol və eyni sayda məhsuldar ötürmə ilə yadda qalıb.