FİFA daha bir mükafata namizədlərin yekun siyahısını açıqlayıb.

Apasport.az xəbər verir ki, söhbət 2022-ci il dekabrın 19-dan 2023-cü il avqustun 20-dək olan müddət ərzində ən yaxşı kişi futbolçu adına namizədlərdən gedir.

Hazırda siyahıda 3 futbolçunun adı var ki, onlar da Erlinq Haaland (Mançester Siti), Kilian Mbappe (PSJ) və Lionel Messidir (Paris Sen-Jermen, İnter Mayami). Qalib bu gün Londonda keçiriləcək mərasimdə elan ediləcək.

Qeyd edək ki, ilkin olaraq ekspertlər heyəti tərəfindən seçilən 12 oyunçu mükafata namizəd olub. Final üçlüyü FİFA-nın rəsmi saytında səs verən milli komandaların məşqçiləri, milli komandaların kapitanları, futbol jurnalistləri və azarkeşlərdən ibarət beynəlxalq münsiflər heyəti tərəfindən müəyyən edilib.

• PSJ-nin Neymar səhvi
• Əliyar Ağayev Kosovo – Rumıniya matçını idarə edəcək
• "Qarabağ" 1/8 finalda "Bayer"lə qarşılaşacaq - YENİLƏNİB
• Basketbol Liqasında yarımfinalın növbəti oyunu keçiriləcək
• Azərbaycana qarşı təxribat törədən idmançı turnirdən çıxarıldı